लोहार, छत्तीसगढ़ी साहित्य परिसद बिलासपुर के अगुवाई मं छत्तीसगढ़ी भासा ल छत्तीसगढ़ के राजभासा घो,ति करे जावय... ए संकलप ल लेके छत्तीसगढ़ी सांस्कृतिक संस्था गोहार....30 मार्च 2006 के छत्तीसगढ़ी भासा दिवस के आयोजन करिस... कार्यक्रम संझा 7.00 बजे सुरु होइस...। सिरि उत्तर यादव (पूर्व जनपद उपा. पंडरिया) जी ह माई पहुना रहिन, अऊ सिरि सहदेव राम साहू (प्रधान पाठक) जी मन अध्यक्षता करिन...। सिरि विश्वराज सिंह ठाकुर (प्राचार्य-स.शि.मं., पंडरिया), सिरि मालिक राम ध्रुव (शिक्षक), सिरि भागीरथी बाँधवे (शिक्षक), सिरि महेशराम पटेल (अधिवक्ता), मन बिसिष्ट अतिथि बनके मंच म बिराजमान रहिन.... जम्मो झन छत्तीसगढ़ी भासा ल राजभासा घोषित करे जाय कहिके बिचार रखिन... राज्य सरकार ले मांग करे बर चिट्ठी म जम्मो झन आवेदन बनाके हस्ताक्षर करिन...। फेर छत्तीसगढ़ी सांस्कृतिक संस्था गोहार के कलाकार फेकूराम, श्रीराम, श्रीमति सोनम, जनक गिरि, परमानंद, अशोक, राजकुमार, कपीलराम, अभयराम, खेलन, हीरालाल, विरेन्द्र कुमार, बिसेन कुमार, मन रतिहा सांस्कृतिक कार्यक्रम प्रस्तुत करिन... जम्मो कार्यक्रम के संचालन रुपेन्द्र पटेल अउ देवनाथ पटेल करिन।